السفة بالحمص والزبيب

- المقادير

- دجاجة بوزن كيلو ونصف

- شعرية رقيقة

- ملعقة صغيرة ملح

- سكينجبير

- قرفة

- ابزار

- زيت

- نصف كأس حمص مرقد

- كأس زبيب

- ربطة قزبور ومعدنوس

- 2 بصلة مشلظة

- 1 مطيشة مقطعة

- زعفران شعرة او ملون حسب الموجود

- طريقة التحضير

ناخذ البرمة نضع فيها الماء حتى يغلي ثم نضع الشعرية مدهونة بالزيت في الكسكاس, من بعد ما كتفور التفويرة الاولى (كتبان لينا الشعرية كتوقف تم كنعرف راها تفورت); ناخذ الكسكاس كنوضعوه في بانيو ونكبو عليه الماء ديال البرما ودغيا نهزو الكسكاس ونقطروه شوية ونردوه فوق البرمة ونرجع نكبو عليه الماء ديال البانيو يعني الماء الذي سكبناه اولا ثم نضعه فوق النار باش يتفور التفويرة الثانية, من بعد ما كنشوفو الشعرية وقفت كناخذ الكسكاس ونكب الشعرية في اناء ثم نبداو نحلوها بالمغرف ديال العود .

ونزيدوها الماء الساخن شوية بشوية ونخليوها واحد 10 د حتى تشرب, نضيف لها الملح والزبيب الذي نكون وضعناه في ماء ساخن  وندهنوها بشوية ديال الزيت ونعاود نردوها في الكسكاس تفور, ملي تفور التفويرة الاخيرة, كنكون حضرنا المرق, ناخذ طنجرة الضغط ونضع الزيت, ثم نضيف البصل تشحر ثم مطيشة, الدجاج والعطرية من بعد ما يتقلى الكل نضيف الحمص, الربيع والماء ثم نقفل عليها ونخليو الكل يطيب

- وفي الاخير نضع الشعرية مع الزبيب في طبق التقديم وتزين باللحم والمرق خاتر او يمكن ان ناخذ الدجاج ونفتته, ثم ناخذ طبق التقديم نضع طبقة من الشعرية , المرق ثم الدجاج المفتت ونضع فوقها طبقة ثانية من الشعرية وبالصحة والراحة